SqueezeBrew!

Di ko sineselebreyt yang Valentines Day na yan. Parang isang ordinaryong araw na lang na dadaan sa buhay ko yan. Pero ngayong araw na ito, naranasan kong mataranta na hindi ko maintindihan.

Nakapasa ako sa interview portion sa pagkuha ng aplikante sa PAL para sa isang posisyon sa opisina nila dito sa Iloilo. Marami kam noon pero mukha yatang 10 lang ang natira. So, ayun binigyan ako ng isang islip na nagsasaad na may eksam kinaumagahan. Kala ko tapos na! Naisip ko na maswerte na rin ako’t nakapasa sa interview pero di pa rin tapos ang laban. Susuotin ko nanaman ang bitin at masikip na slacks at ang masakit sa paa nga itim na sapatos na hiniram ko pa sa kapitbahay.

6AM. Matapos ang 8 oras na tulog na may interruption ng 5 minuto, naligo’t nagsipilyo at nagbihis. Plano ko sana dumaan sa Catedral para humingi ng blessing kay Madame Candelaria kaso inuubusan na ako ng oras. Langya, magtataxi nanaman ako mula Plaza Jaro! P65.00 nanaman ang gagastusin ko! Hay mabuti na yan kesa ma-late!

Pumasok sa venue at nag-abang.

Nagsimula na ang eksamin. 10 na lang talaga kaming natitita samantalang sa kabila naman mga nag-aaplay bilang driver. IQ, Personality at Aptitude test o in short, psych tests. Hay ang BS Psych people nga naman o! Sa una mukhang madadali ang mga pagsusulit. Walang pressure, para lang malaman kung bagay ka nga sa tipo ng trabahong pinapasukan mo. Kung minsan nga ay may mga complete the sentence pa na portion, tulad ng:

My sex life _________________; My ideal woman is______________; Marriage for me is _________________….

Hanggang dito pa naman Valentines pa rin ang theme!

Nang dumating na ang IQ exam at aptitude tests, dito na nagkanda-leche leche ang lahat. Pressured ka sa oras. Ang IQ exam sa una hanggang ikatlong set, madali lang. Comparison at similarities, pero pag-abot sa set 4, medyo nalito na ang bangag.

Ang aptitude test mas madugo pa, may aritmetik…ang best friend ko sa akademiya….not! Paramihan ng tamang sagot sa loob ng 2 minuto sa kada 2 eksamin! Ang panghuli, mental power of arithmetic lang at bawal isulat sa papel. Oo nga at simpleng addition nga lang, pero kung ikaw ay ipinanganak na bobo sa math at time-pressured pa, ibang usapan na yun!

Matapos ang eksam, pakiramdam ko parang piniga ang ulo. Pagbigay ko ng answer sheets ko, at saka na lang ako inorient sa mala-El Dorado na compensation and benefits na binibigay ni Lucio Tan sa kanyang mga empleyado….parang dudugo ang ilong ko, nanginig at tila napapraning sa kaloob-looban ko, punyemas, ito na marahil ang pinakamagandang comp&ben package na narinig ko so far! Waaahhh!!! Libreng tiket, mga benepisyo pati ang sweldo! Hay! Langit na kung mapapasa-akin ka lang!

Sa loob pa ng 2 linggo malalaman ang resulta. Kinondisyon ko na ang sarili ko na huwag umasa ng grabe. Maghahanap pa rin ako ng ibang alternatibo para hindi ma-frustrate kung sakaling di papalarin. At bago ako umuwi, bumalik muli ako kay Madame Candelaria at humingi ng patnubay at lakas ng loob na harapin kung ano man ibibigay sa akin ng Diyos.

Pero sana ito na nga. Kung hindi, marahil hindi para sa akin ang nasabing trabaho.